Business

નાની ઉંમરે કર્યું ખૂબ મોટું રોકાણ :

 માત્ર 12 વર્ષના બાળકે શેરબજારમાં  કર્યું રોકાણ અને એક વર્ષમાં 43 ટકાનો તગડો નફો મેળવ્યો :

એક 12 વર્ષના બાળકે ગયા વર્ષે તેની માતા પાસે જીદ્દ કરીને શેરબજારમાં ટ્રેડિંગ અકાઉન્ટ ખોલાવ્યું હતું. એટલું જ નહીં માતાપિતાને 16 લાખ રૂપિયાનું શેરબજારમાં રોકાણ કરવા માટે મનાવી પણ લીધા. ન્યૂઝ એજન્સીના અહેવાલ પ્રમાણે આ બાળકે એક વર્ષમાં આશરે 43 ટકા નફો મેળવ્યો છે.

 

ટીનેજર્સ છોકરાએ વર્ષભરમાં 43 ટકા નફો મેળવ્યાની આ કહાની દક્ષિણ કોરિયાની છે. છોકરાનું નામ ક્વન જૂન. જૂનની ઈચ્છા વોરન બફેટ બનવાની છે. અમેરિકાના વોરન બફેટ અત્યારે વિશ્વના આઠમાં સૌથી શ્રીમંત વ્યક્તિ છે અને શેરબજારમાં રોકાણ કરવા માટે ખૂબ જ જાણીતા છે.

ક્વન જૂને મેમોરી ચિપ તૈયાર કરતી વિશ્વની સૌથી મોટી કંપની કકાઓ કોર્પ, સેમસંગ અને હ્યૂન્ડાઈ મોટર સહિત અન્ય કંપનીઓમાં નાણાંનું રોકાણ કરે છે. ક્વન જૂને જણાવ્યું કે તે લાંબા સમયના રોકાણ પર ધ્યાન કેન્દ્રીત કરી રહ્યો છે. તે 10થી 20 વર્ષ માટે નાણાં રોકી રહ્યો છે,જેથી વધારે આવક થઈ શકે. જોકે, ક્વન જૂન ઓછી ઉંમરમાં ટ્રેડિંગ કરનાર એકમાત્ર બાળક નથી. કોરોના વાઈરસની મહામારી સમયે ક્વન જૂનની માફક નાની ઉંમરના અનેક બાળકોએ શેરબજારમાં રોકાણ કરવાની શરૂઆત કરી હતી.

ક્વન જૂનની માતા લી ઉન જૂ કહે છે કે વિચાર કરું છું કે આજના સમયમાં કોલેજની ડિગ્રી શું મહત્વપૂર્ણ રહી ગઈ છે? અત્રે ઉલ્લેખનીય છે કે ક્વન જૂનની સફળતામાં તેની માતાનું વિશેષ યોગદાન છે, કારણ કે તેણે પોતાના દિકરાને ટ્યુશન મોકલવાને બદલે તેના પેશન પર ધ્યાન કેન્દ્રિત કરવા પ્રોત્સાહન આપ્યું હતું.

Related posts

गुजरात : परिवार मिन्नतें करता रहा पर नहीं मिला इलाज, गर्भवती महिला समेत जुड़वा बच्चों की मौत

Rajkotlive News

गुजरात में चाइना का अनूठा विरोध, चाइनीज एप को डिलीट करने पर फ्री जलेबी

Rajkotlive News

કૃષિ કાયદાના સમર્થનમાં આવ્યું અમેરિકા, કહ્યું-તેનાથી દુનિયામાં ભારતીય બજારનો પ્રભાવ વધશે

Rajkotlive News